Gündəm

Bakı Nəqliyyat Agentliyi dayanma-durma qaydalarına əməl edilməsi ilə bağlı sürücülərə müraciət edib. Psixoloq.az xəbər verir ki, agentlikdən xezerxeber.az-a daxil olan müraciətdə deyilir ki, vətəndaşa xidmət Bakı Nəqliyyat Agentliyinin fəaliyyətində önəm verdiyi ən mühüm məqamlardandır. Bakı şəhərinin inzibati ərazisində dayanma-durma qaydalarına əməl etməyən sürücülərə qarşı inzibati tədbirlərin görülməsi ilə bağlı səlahiyyətlərin icrası zamanı da bu məqam əsas götürüləcək. Daha sonra müraciətdə bildirilir: "Səlahiyyətlərin icrasına başlamazdan əvvəl zəruri olan prosedurlar icra edilməkdədir. Məsələ ilə bağlı bir məqamı xüsusi ilə vurğulamaq istərdik. Məqsədimiz heç də ilk başdan sürücüləri dayanma-durma qaydalarına əməl etmədikləri üçün inzibati məsuliyyətə cəlb etmək deyil. Əvvəlcə mütləq şəkildə geniş maarifləndirmə işləri aparılmalıdır ki, artıq bu istiqamətdə də müəyyən layihələr həyata keçirilir. Düşünürük ki, maarifləndirmə işini düzgün qurmaqla, eləcə də sürücüləri vaxtında məlumatlandırmaqla onları yol hərəkəti qaydalarına əməl etməyə sövq etmək mümkün olacaq. Bu işdə ictimaiyyətin də dəstəyinə ehtiyacımız olacaq. Məhz ictimaiyyətin dəstəyi və ictimai qınaq sayəsində nəqliyyat sistemində mövcud olan bir çox problemlərin həllinə nail olmuşuq. Bakı Nəqliyyat Agentliyi, eyni zamanda bütün sürücülərə müraciət edərək onları dayanma-durma qaydalarına əməl etməyə və bir birimizə qarşı anlayışlı olmağa səsləyir. Yalnız anlayışla yanaşdığımız halda, şəhər yollarında hərəkət etmək daha rahat, maneəsiz və təhlükəsiz olacaq”.

Fövqəladə Hallar Nazirliyi Ağsu rayonunda meşə ətrafı ərazidə baş vermiş yanğınla bağlı məlumat yayıb. Nazirliyin mətbuat xidmətindən publika.az-a verilən məlumatda bildirilir ki, Böhran Vəziyyətlərində İdarəetmə Mərkəzinə Ağsu rayonu, Qırlar kəndi yaxınlığında meşə ətrafı ərazidə yanğın olması barədə məlumat daxil olub. Dərhal Fövqəladə Hallar Nazirliyinin Dövlət Yanğından Mühafizə Xidmətinin yanğın bölmələri yanğınsöndürmə işlərinə cəlb olunub. İlkin məlumata görə, bələdiyyəyə məxsus ərazidə 2 ha biçilmiş taxıl sahəsi və 0,5 ha sahədə kol-kos yanıb. Meşə ərazisi yanğından mühafizə olunub. Yanğın məhdudlaşdırılıb. Hazırda yanğınsöndürmə işləri davam etdirilir. Ərazi mürəkkəb relyefdə yerləşdiyi üçün yanğınsöndürmə işlərində əsasən əl əməyindən istifadə olunur. Əlavə məlumat veriləcək

İmtahanların başa çatması ilə bütün abituriyentlər üçün ixtisas seçimi mərhələsi başlayır. Universiteti və ixtisas seçimi gələcək həyatınızı istiqamətləndirəcək çox vacib məqamdır. Bütün bunları nəzərə almaqla, uğurlu ixtisas seçiminizə kömək edəcək vacib məqamları sizin üçün seçdik. Psixoloq.az universitet seçimində nəzərə alınması vacib olan yeddi məqamı təqdim edir. Tətbiqi təhsilin əhəmiyyəti Nəzəri dərslər oxuyacağınız ixtisas və peşə haqqında geniş məlumat verir. Lakin məzun olduqdan sonra sizi iş dünyasına hazırlayan əsas mərhələ tətbiqi, yəni praktiki təhsildir. Praktika sizi iş dünyasına aparan yolun əsasını təşkil edir. Keyfiyyətli tətbiqi təhsil almaq üçün seçəcəyiniz universitetin imkanlarına baxın. Görün, seçəcəyiniz universitetin intensiv şəkildə istifadə etdiyi laboratoriya və ya universitetin sənaye müəssisələri ilə əməkdaşlığı mövcuddurmu?! Xüsusilə, sənaye dünyası ilə geniş əlaqələri olan universitetlərin seçilməsi vacibdir. Çünki belə universitetlər tələbələri yiyələnəcəkləri peşəyə uyğun hazırlaya bilirlər.  Təhsil alarkən iş dünyası ilə əlaqə qurabilmə imkanı Tətbiqi təhsilin vacib məqamlarından biri də biznes mühitini “görə bilmək” – praktika keçməkdir. Peşənizə uyğun sektorla nə qədər tez təmasa keçsəniz, işləmə şansı əldə etsəniz, karyera baxımından gələcəyinizi o qədər uğurlu formalaşdıra bilərsiniz. Seçəcəyiniz universitet əməkdaşlıq etdiyi şirkətlər vasitəsilə bu məsələdə sizin işinizi asanlaşdıra bilər. Universitet sizə praktika imkanı təklif edirsə, bunu mütləq dəyərləndirin! Müasir düşüncəli və təcrübəli müəllim heyəti Ali təhsili necə aldığınız qədər, kimdən aldığınız da böyük əhəmiyyət kəsb edir. Öz sahəsində mütəxəssis, müasir metodikanı mənimsəmiş, eyni zamanda, böyük təcrübəyə malik müəllim heyəti təhsil aldığınız müddətdə sizə böyük dəstək olacaq. Müəllim heyətini incələyərkən onların həm milli, həm də beynəlxalq uğurları ilə yanaşı, müəllif layihələrinə sahib olub-olmadıqlarına və bu layihələrə tələbələri cəlb edib-etmədiklərinə baxın.  İnnovativ, elmi və texnoloji imkanlara sahib universitetləri seçin Ali təhsilin əsas üstünlüyü innovativ, elmi və texnoloji imkanları tələbələrin ixtiyarına verməsidir. Tələbə dövrün tələbinə uyğun, yeni texnologiyalarla təchiz olunmuş mühitdə təhsil almalıdır. Universitetdənkənar texnoparklarda, elmi araşdırma laboratoriyalarında dərs keçmə imkanı təklif edən ali təhsil müəssisəsi seçəcəyiniz universitetlər arasında ilk sıralara qoyulmalıdır. Sosial-mədəni imkanlar Tələbələrin universitet həyatı sadəcə təlim-tərbiyədən ibarət olmamalıdır. Universitetlər tələbələrinə sosial və mədəni imkanlar təmin etməklə, onların tam formalaşmasına kömək göstərməlidir. İxtisas və universitet seçərkən universitetlərin bu sahədə hansı fəaliyyətlərlə məşğul olduqları, hansı imkanlara sahib olduqları mütləq araşdırılmalıdır.  Təqaüd imkanı Xüsusilə özəl universitet seçəcək abituriyentlər təqaüd imkanını mütləq araşdırmalıdır. Təqaüdün miqdarı və müddəti xüsusilə nəzərə alınmalıdır. Müasir kampuslar  Seçəcəyiniz ixtisasın balı iki universitetdə də eynidirsə, sizin üçün universitetin yeri seçiminizdə mühüm rol oynayır. Bu halda hansı universitetin yerləşdiyi yer sizə uyğundursa, onu seçə bilərsiniz. Eyni zamanda, metroya yaxınlıq, ictimai nəqliyyatla rahat gedə bilmə imkanı seçiminizə təsir göstərən amillərdəndir. Bununla yanaşı, müxtəlif yerlərdən gəlmiş, Bakıda kirayədə qalacaq tələbələr üçün o yerin sakit və təhlükəsiz olması böyük əhəmiyyət kəsb edir. Bu məsələdə universitetin imkanları da araşdırılmalıdır. Yataqxanasının olub-olmaması və yaxud ətrafındakı kirayə verilən mənzillərin mövcud vəziyyəti, qiymətləri diqqət yetirilməli məqamlardandır.(Oxu.az)

Bu əsrin ən uzun “Qanlı Ay” tutulması hadisəsi başlayıb. Psixoloq.az xəbər verir ki, tam tutulma 23:30-da olacaq, 01:13-ə kimi davam edəcək. Ay tutulması isə 02:19-da başa çatacaq. Dünyanın müxtəlif yerlərində milyonlarla insan bu təbiət hadisəsini izləyir.

Bu ilin ikinci Ay tutulması hadisəsi iyulun 27-dən 28-nə keçən gecə baş verəcək. Azərbaycan Milli Elmlər Akademiyasının Nəsrəddin Tusi adına Şamaxı Astrofizika Rəsədxanasının direktoru, professor Namiq Cəlilov Modern.az saytına bildirilib ki, Ay tutulması hadisəsi Azərbaycan ərazisində tam müşahidə olunacaq: "Ay tutulması hadisəsi Bakı vaxtı ilə saat 22:24-də başlanacaq, saat 00:21-də maksimum səviyyədə olacaq, saat 02:19-da isə başa çatacaq. Yerin ekvatorial zonasında baş verəcək bu astronomik təbiət hadisəsi "mərkəzi tutulma” adlanır. Yəni Ay kölgənin mərkəzindən keçəcək. Lakin bu, adi təbiət hadisəsidir. Ay Yerin kölgəsinə girir, tutulur, görünməz olur, sonra kölgədən çıxır. Elə bir fövqəladə hadisə yoxdur. İnsanlara da hər hansı təsirindən söhbət gedə bilməz”. Qeyd edək ki, Mars və Yerin növbəti yaxınlaşmasının 2035-ci ilin sentyabrın 15-nə təsadüf etməsi gözlənilir. Builki yaxınlaşma Ay tutulması ilə tam üst-üstə düşür. 1 saat 44 dəqiqə davam edəcək bu təbiət fenomeni 100 ilin ən uzunmüddətli Ay tutulması olacaq.

Bakı-Sumqayıt yolunun şəhər istiqamətində Bakı Beynəlxalq Avtovağzal kompleksi qarşısından keçən hissəsində aparılan təmir işləri müddətində müntəzəm marşrut xətt avtobuslarının fasiləsiz fəaliyyətini təmin etmək məqsədi ilə bəzi marşrut xətlərinin son dayanacaq məntəqələri müvəqqəti olaraq dəyişdirilib. Bakı Nəqliyyat Agentliyindən xezerxeber.az-a verilən məlumata görə, dəyişikliyə əsasən şəhər mərkəzindən Bakı Beynəlxalq Avtovağzalı kompleksinə gedən 2, 7A, 13, 14, 29, 37 və 96 nömrəli müntəzəm marşrut xətləri üzrə avtobuslar Cəfər Cabbarlı adına "Azərbaycanfilm" kinostudiyasının inzibati binasının qarşısındakı dayanacağadək hərəkət edəcəklər. Ətraf yaşayış məntəqələrindən şəhər istiqamətində hərəkət edən 92, 102, 114A, 114B, 119, 135, 159, 170 və 199 nömrəli müntəzəm marşrut xətti üzrə isə avtobuslar Bakı Beynəlxalq Avtovağzalı kompleksinədək hərəkət edəcək. 67 və 83 nömrəli müntəzəm marşrut xətti üzrə avtobuslar şəhər istiqamətinə gedərkən müvəqqəti olaraq Binəqədi şosesindən keçməklə hərəkət edəcəklər.

"Azərbaycanda kompleks tədbirlərin həyata keçirilməsinə baxmayaraq, bir sıra ekoloji problemlər hələ də həllini tapmayıb”. Psixoloq.az-ın xəbərinə görə, bunu Ekologiya və Təbii Sərvətlər Nazirliyinin şöbə müdiri Rasim Səttar-zadə bu gün keçirilən mətbuat konfransında deyib. R. Səttarzadə bildirib ki, Xəzər dənizinin sahillərində yerləşən Bakı, Sumqayıt , Mahaçqala, Həştərxan, Türkmənbaşı, Rəşt və Ənzəli şəhərləri və digər yaşayış məntəqələrindən dənizə axıdılan tullantı suları onun əsas çirkləndiricilərindən hesab olunur. R. Səttarzadənin sözlərinə görə, nazirlik tərəfindən Xəzərin Azərbaycana məxsus ərazilərində və sahil zolağında həyata keçirilmiş ekoloji monitorinqlər zamanı dənizə tökülən 224 axar qeydə alınıb: "Bu axarlar vasitəsilə dənizə gündə 1850 min kubmetr tullantı suyu daxil olur. Sahil zolağında yerləşən rayonların əksəriyyətində təmizləyici qurğular olmadığından müxtəlif tərkibli tullantı suları təmizlənmədən Xəzərə axıdılır. Nəticədə Xəzər dənizinin və sahil zolağının ekoloji vəziyyəti pisləşir".

"Son 4 il ərzində B və C viruslu hepatitlərin profilaktikası, diaqnostikası və müalicəsinin təşkili üzrə Komissiyaya 8936 nəfər müraciət edib". Psixoloq.az  xəbər verir ki, bunu Elmi-Tədqiqat Ağciyər Xəstəlikləri İnstitutunun direktoru, B və C viruslu hepatitlərin profilaktikası, diaqnostikası və müalicəsinin təşkili üzrə Komissiyanın sədr müavini Həqiqət Qədirova deyib. O bildirib ki, müraciət edənlərin 57 faizi kişi, 43 faizi qadın olub: "Ümumi müraciət edənlər arasında 73 nəfərdə hepatit C virusu aşkarlanıb. 27 faiz insanda isə hepatit B olub. Müraciət edənlər arasında sağlam daşıyıcılara da rast gəlinib. Belə ki, 1042 nəfərdə virus olsa da, onlarda xəstəlik aşkarlanmayıb. Yəni, onların hələ müalicəyə ehtiyacı yoxdur. Düzgün şəkildə qidalansalar ömürlərinin sonuna qədər sağlam yaşaya bilərlər". H.Qədirova qeyd edib ki, eyni anda həm B, həm də D viruslu hepatitə yoluxan insanların sayı 160 nəfər, həm B, həm də C virusuna yoluxanların sayı isə 156 nəfərdir. 493 nəfər isə serroz olub: "1259 nəfərdə müalicəyə əks göstəriş olub. 6266 nəfərə müalicə yazılıb ki, onlardan 1153 nəfərin müalicəsi bu gün də davam edir. Bundan başqa, keçən il ərzində 59 nəfərdə hepatit A, 160 nəfərdə hepatit B, 154 nəfərdə isə hepatit C virusu artıq xroniki hal alıb".(ölkə.az)

"MDB ölkələrinin, xüsusən də Rusiyanın mağazalarında “Çin istehsalı plastik düyü”nün aşkarlanması bu süni məhsulun Azərbaycan bazarlarına düşmək təhlükəsi barədə danışır". Bu fikirləri oxu.az-a açıqlamasında Azad İstehlakçılar Birliyinin sədri Eyyub Hüseynov deyib.  “Böyük ehtimal var ki, bu məhsul bizim mağazalarda da satıla bilər. Diqqətli olmaq lazımdır. Plastik düyünün Rusiya mağazalarında peyda olması olmaq lazımdır. Plastik düyünün Rusiya mağazalarında peyda olması Azərbaycanın müvafiq qurumları üçün həyəcan siqnalı olmalıdır”, - deyə müsahibimiz bildirib.  Fürsətdən istifadə edərək, o müştəriləri sayıq olmağa və yalnız sınanmış düyü almağa çağırıb.

İyulun 26-da II və III ixtisas qrupları üzrə keçirilmiş qəbul imtahanlarında istifadə olunmuş test tapşırıqlarının düzgün cavabları Dövlət İmtahan Mərkəzinin (DİM) saytında yerləşdirilib. Psixoloq.az xəbər verir ki, qəbul imtahanlarında istifadə olunmuş test tapşırıqlarının düzgün cavablarını aşağıdakı keçidlərdən əldə etmək mümkündür: Azərbaycan bölməsi – II qrup http://eservices.dim.gov.az/exam/2018/2_3_26_2018/a2_26i.htm Azərbaycan bölməsi – III qrup http://eservices.dim.gov.az/exam/2018/2_3_26_2018/a3_26i.htm Rus bölməsi – II qrup http://eservices.dim.gov.az/exam/2018/2_3_26_2018/r2_26i.htm Rus bölməsi – III qrup http://eservices.dim.gov.az/exam/2018/2_3_26_2018/r3_26i.htm (Qafqazinfo)

Azərbaycanda şənbə gününə gözlənilən hava proqnozu açıqlanıb. Ekologiya və Təbii Sərvətlər Nazirliyinin Milli Hidrometeorologiya Departamentindən  verilən məlumata görə, sabah, iyulun 28-də Bakıda və Abşeron yarımadasında hava şəraitinin yağmursuz keçəcəyi gözlənilir. Şimal-şərq küləyi əsəcək. Havanın temperaturunun Abşeron yarımadasında gecə 25-28, gündüz 32-37, Bakıda gecə 26-28, gündüz 35-37 dərəcə isti olacağı gözlənilir. Atmosfer təzyiqi normadan aşağı 756 mm civə sütunu, nisbi rütubət gecə 60-70, gündüz 35-45 faiz təşkil edəcək. Abşeron çimərliklərində iyulun 28-də şimal çimərliklərində (Sumqayıt, Novxanı, Pirşağı, Nardaran, Bilgəh, Zuğulba) dəniz suyunun temperaturu 27-28, cənub çimərliklərində isə (Türkan, Hövsan, Sahil, Şıx) 28-29 dərəcə isti təşkil edəcək. Mülayim şimal-şərq küləyi və zəif dalğalanma çimərliklərdə əlverişli şərait yaradacaq. Azərbaycanın rayonlarında sabah hava şəraitinin yağmursuz keçəcəyi gözlənilir. Şərq küləyi ayrı-ayrı yerlərdə arabir güclənəcək. Havanın temperaturunun gecə 22-27, gündüz 35-40, dağlarda gecə 15-20, gündüz 23-28 dərəcə isti olacağı gözlənilir. Tibbi-meteoroloji proqnoza gəlincə, iyulun 28-29-da Abşeron yarımadasında arabir durğun və bürkülü hava şəraiti gözlənilir ki, bu da meteohəssas insanlar üçün əsasən əlverişsizdir.(report.az)

"Atmosferi tullantı ilə çirkləndirən bir sıra şadlıq sarayları barədə qəti tədbirlər görüləcək". Psixoloq.az report-a istinadən xəbər verir­ ki, bunu mətbuat kon­fransında Ekologiya v­ə Təbii Sərvətlər Naz­irliyinin mətbuat kat­ibi İradə İbrahimova ­deyib.  O bildirib ki, nazirlik bir müddət əvvəl ictimai i­aşə obyektləri, şadlı­q evləri, restoran sahiblərinə xəbərdarlıq etmişdi: "Xəbərdarlıqda atmosferə­ atılan tüstü axınına­ görə obyekt­ sahiblərinə müasir s­tandartlara cavab ver­ən təmizləyici qurğul­arın quraşdırılması üçün vaxt verilmişdi. Xəbərdarlığ­ın müddəti başa çatdı­ğından, yaxın günlərd­ə xəbərdarlığa əməl e­tməyən və yenə də atm­osferi çirkləndirən "X­əmsə", "Oskar", "Oazis", "M­illenium", "Sonalar son­ası", "Xan qızı", "Dan ul­duzu" və digər restor­an, şadlıq sarayları ­barəsində qəti tədbirlərin görülməsinə və ­sanksiyaların tətbiqi­nə başlanılacaq".